Alicia e o seu mundo

Xa vos teño falado de Carla López, a musicoterapeuta de Sabela, unha grandísima profesional que consegue emocionar á miña filla en cada sesión e arrancarlle sonidos que son do máis fermoso que se pode oír neste mundo. Hai xente con boas vibracións, xente con malas vibracións e logo está Carla, que creo que foi a que inventou as vibracións dende a barrigola da súa nai, movéndose ao ritmo acompasado do corpo humán.

Pois ben, Carla acaba de abrir un espazo na Coruña para Musicoterapia no que tamén vai haber de cando en vez outras actividades. Estes dous sábados, 21 e 28, en concreto, "Planeta Alicia" organiza unhas xornadas de portas abertas con actividades, talleres, música e sorpresas...

Para os que non teñades plan para estas fins de semana, creo que non o deberíades pensar. Podedes aprender moito e, sobre todo, desfrutar!