Equilibrio dinámico

E o grupo de motricidade non para!!! Xa teñen máis material preparado para axudar a todos e todas a que @s nos@s peques medren mellor, e neste caso máis equilibrados ;-)

Preséntovos un novo traballo da autoría de Iosune Portugal sobre como favorecer o equilibrio dinámico. Se temos en conta que aínda me estou recuperando dun novo ataque de vertixe, non creo que me vaia mal a min tampouco.

Aquí tedes o documento.

Máis traballo do grupo de motricidade

Aínda sen recuperarme dun virus e outros avatares, teño que recoñecer que non estou moi activa estes días. Seguimos traballando cousas que non son novas (discriminación por formas e, sobre todo, por cores), motricidade fina (os envases para facer xeados encántanlle para iso) e coordinación e xogo coa pelota.

Pero hai quen está traballando bastante máis ca min estes días. En concreto, no grupo de motricidade non paran!!! Unha marabilla. Neste caso preséntovos exercicios para fortalecer os músculos xemelgos. Non é algo que lle suceda a Sabela, pero si é algo que lles sucede a moit@s nen@s que están no espectro do autismo que camiñan de puntas moi a miúdo polo que necesitan reforzar estes músculos.

A practicar!

Exercicios para fortalecer xemelgos. Ups, actualizo a entrada porque me esquecera de atribuír méritos. Xa veredes que é da autoría de Anabel Cornago, de El sonido de la hierba al crecer.

Motricidade, equilibrio estático

Como "me va la marcha" animeime a meterme nunha nova pequena aventura e formar parte dunha equipa ideada por Anabel Cornago (El sonido de la hierba al crecer) para desenvolver entre tod@s materiais para potenciar a motricidade.

Eu aínda estou tentando poñerme un pouco ao día en todo e non teño nada elaborado por min mesma, pero Iosune Portugal Bicandi, xa nos facilitou o primeiro superdocumento sobre equilibrio estático. Seguro que hai moitísimos máis documentos fantásticos que consigamos elaborar e que sexan de axuda para moita xente.

Aquí vos presento esta marabilla inicial. Trata de reforzar o equilibrio estábel.

http://de.slideshare.net/anabelcor/ejercicios-de-equilibrio-esttico

Audiovisualizándonos II e tocando

Ante todo, pedir desculpas porque estou facendo probas para engadir tradutores que fagan o blog accesibel a xente de distintos países, pero de momento, con pouco éxito. Parece que ao non existir a estrutura do blog en galego (só podes escoller entre español ou portugués como linguas máis parecidas) a tradución que fai despois non é a correcta. Estou buscando unha solución, pero se queredes rir un cacho podedes clickar no botón de "translate" porque o resultado ten tela...
Nestes últimos días non probamos moitas cousas novas. Seguimos asentando o método PECS, do que teño pendente falar con máis calma, e seguimos avanzando na discriminación por formas e cores con diferentes utensilios (pratos, vasos, encaixables, culleres, tenedores, etc)...

Tamén seguimos respirando música e imaxes todos os días. Continuando coas recomendacións non podo esquecer hoxe dúas fundamentais na nosa vida. A primeira dela é un descubrimento dunha amiga. Trátase do cd-dvd "A galinha pintadinha".

Son cancións tradicionais brasileñas que se acompañan de imaxes mois vistosas para @s peques. Teño que recoñecer que a min algunhas horrorízanme, aínda que outras están moi ben para aprender os números, as cores, as rimas, etc. Pero o caso é que aos peques encántanlles. De feito, o primeiro xesto que aprendeu Sabela foi para pedir que lle cantásemos a súa favorita: "O pitinho amarelinho".

A segunda é un cd dvd que se editou o ano pasado, "María Fumaça", un proxecto de Uxía Senlle que implica a toda unha familia, artistas, amig@s, e que nos trasmite as gañas de vivir dun neno fantástico, Rui. Non podedes deixar de velo e escoitalo. Xa vos adianto que a favorita na nosa casa é a do "Mercado" (que por certo tamén está noutra versión na "Galinha pintadinha"). Ledicia e ritmo desde a primeira á última nota.

Por último, unha das cousiñas que experimentamos estes días: unha bolsa sensorial inspirada nas de Anabel e Erik (el sonido de la hierba al crecer). Con unha bolsa de conxelación pequena, xel do pelo con cor (se non ten cor podedes botarlle colorante alimentario) e obxectos distintos para que @s peques os palpen a través do xel e da bolsa. Estimulación do tacto, discriminación de formas e cores e relaxación a un tempo :) A nosa fixémola cunha estreliñas e penso probar con outras cousiñas en breve. Tamén hai outros experimentos similares que quero facer con spaghetti, macarróns, sal, area, etc

Depende

Din que para @s galeg@s todo depende, que non sabemos se subimos ou baixamos pero... acaso non é así para todo o mundo? "Depende, de que dependr, de según como se mire todo depende".
http://www.youtube.com/watch?v=GtujUCURgtM

Aprendin a mirar as cousas con outros ollos, a buscar oportunidades de aprendizaxe nas que aplicarme e implicar a Sabela. Por iso xa non é raro que me pase o que sucedeu a semana pasada cando me descubrín a min mesma ideando xogos e estratexias de estimulación nunha coñecida cadea de tendas de mobles. Xa saía cando se me iluminou unha desas bombillas das ideas e tiven que dar a volta. Onde outr@s ven moldes para facer xeados, eu vin unha ducia de xogos de habilidade e discriminación visual, onde outr@s ven cubertos e pratos abriuse un mundo de posibilidades para tentar novas estratexias de estimulación. Mirade un minuto, vós que vedes?

Estades segur@s? Mirade outra vez...

Marmelada e galletas

Levamos uns días irregulares nas comidas e nas tentativas de novas experiencias en estimulación. Eu, por suposto, sigo probando.
Despois de armarme de novo material (vasos, cuncas, palliñas e utensilios de cociña variados) para traballar a discriminación por cores e a habilidade e coordenación oculomanual atopeime cunha Sabela con poucas ganas de facer case nada así que decidin deixar o tema e encherlle a cara de marmelada para traballar cos músculos da boca a ver até onde alcanzaba lambendo ;)
Hoxe tamén puidemos probar un manxar estupendo: as galletas que fixeron esta mañá na súa clase!

Praia

Antes de entrar en materia, non podo deixar de animarvos a tod@s a participar na folga de educación do xoves, día 9. Neste blog non pretendo "sentar cátedra" (para iso xa están outros) pero si dar a miña opinión que, neste tema é clara. Cada lei no eido da educación é peor que a anterior e se non erguemos a nosa voz ben forte imos rematar cunha mocidade adoutrinada, cuns coñecementos ínfimos e segregada en función das súas capacidades.
Pero, volvendo ao eixo desta bitácora, para animarnos ante esta volta da choiva quero lembrar a fin de semana de sol que tivemos. O comezo do bo tempo é unha ocasión estupenda para aproveitar a praia, antes de que estea cheíña de xente. As posibilidades de estimulación psicomotriz nunha praia son enormes : exercicios de fortalecemento muscular e equilibrio para camiñar pola area ou fuxir das ondas do mar ou saltando de rocha en rocha, por non falar dos traballos manuais con area seca e mollada. O problema é que a Sabela non lle gusta a praia... ou si, non o teño claro. Con catro meses e medio (antes de contraer a encefalite) viaxamos con ela á costa catalana e non pareceu entusiasmarlle o tema do mar. Ao verán seguinte seguía sen parecer emocionada até unha tarde en Sorrento (costa italiana) en que foi feliz dando algúns dos seus primeiros pasos pola area. No verán pasado de novo protestaba cando notaba area nos pés e este sábado, cando menos o agardaba, dando un paseo, chamou a nosa atención para que lle desabrochásemos o cinto da silla e baixar comigo á praia por onde quixo camiñar até a beira do mar e chegamos a mollarnos as zapatillas...

Aquelas pequenas cousas

Nunca sabes por onde vai vir a inspiración e, con nen@s pequen@s, nunca sabes o que pode funcionar, que pode "facerlles gracia" asi que o día a día é un diario de tentativas de novas ideas.
Hoxe estreamos un agasallo dunha amiga: un xogo con pintura de dedos e unha especie de pinceis-selo tamén para pintar. E no medio do asunto ocorréuseme a idea: e se usamos as palliñas como pinceis para traballar a motricidade fina? E acto seguido a seguinte idea: e se soplamos pintura? Embadurnas ben o estremo da cana con pintura de dedos e... a soplar!!! A Sabela non lle interesou demasiado (entre outras cousas porque tiña demasiados mocos para interesarse por case nada) pero hai moitas posibilidades de diversión e experimento neste descubrimento.

Coa seguinte idea tiven un pouco máis de èxito e podedes reproducila con diverso instrumental de cociña. Convertín un colador para te e uns palillos de cores chulísimos que nunca usamos (son demasiados bonitos para manchalos) nun xogo caseiro para traballar a motricidade e xa de paso a clasificación por cores. Igual podedes facelo con calqueira colador con buratos grandes que teñades e pintar palillos de madeira ou diferencialos con gomets. Podes facer un pequeno ericiño de cores diversas :)